Կարկաչա
Մանկախաղաց՝ «Ճոր պար»
Օր պար, ճոր պար,
Ոսկե գնդին բարեբար,
Մեծ պա՛պ, արի գողտուկ տա՛ր,
Շատ պզտիկ է, չէ՛, չենք տա:
Ճոր անենք, ճոր պար անենք,
Ոսկե թախտին պար անենք,
Զատկին մենք նոր շոր կարենք,
Սա էլ մաշվի՝ նորն անենք:
Յալալի
Յալալի, Տերն հարություն է առել,
Յալալի, հավը կարմիր է ածել,
Յալալի, Պողոսն երազ է տեսել,
Յալալի, Պողոս, երազդ ի բարին,
Յալալի, շնորհավոր ձեր Զատիկ,
Յալալի, ձեր Զատիկ ու մեր Զատիկ:
խընկի ծառ.
Մեր դըռանը խընկի ծառ
Մեր դըռանը խընկի ծառ,
Գյուլու՜մ ջան,
Ձեր դըռանը խընկի ծառ,
Գյուլու՜մ ջան,
Խընկենին ա բերել բար,
Գյուլու՜մ ջան,
Իմ խորոտիկ պըզտիկ յար,
Գյուլու՜մ ջան:
Մեր դըռանը խընկի ծառ,
Գյուլու՜մ ջան,
Նախշուն բըլբուլ վըրեն թառ,
Գյուլու՜մ ջան,
Երթար ու գար, շորոր տար,
Գյուլու՜մ ջան,
Սիրուն յարին օրոր տար: