Կոմիտասյան օրեր.երգերի փաթեթ միջին դպրոցի համար

Իմ չինարի յարը

Արև թռվռով ելավ,

Իմ չինարի յարը,

Մեր բանը կռվով էլավ,

Դարդիման յարը.

Թշնամու հոգին մեռնի,

Իմ չինարի յարը,

Իրա չար սրտով էլավ,

Դարդիման յարը: 

Կրկ.Իմ չինարի յարը,

Իմ չինարի յարը,

Իմ չինարի յարը,

Գովական յարը: 

2.Ճրագը վառա, վառա,

Իմ չինարի յարը,

Հոր հետ վատամարդ դառա,

Դարդիման յարը: 

Մեր ու ախպեր թող տվին,

Իմ չինարի յարը,

Ես իմ սիրածին առա

Դարդիման յարը: 

Սև ա չոբանի շունը

Սև ա չոբանի շունը

Հոպ ոպ մարալ օյ, մարալ օյ, մարալ օյ

Կտանի յարիս քունը

Հոպ ոպ մարալ օյ, մարալ օյ, մարալ օյ

2. Կանաչ արտը վարել եմ

Հոպ ոպ մարալ օյ, մարալ օյ, մարալ օյ

Սիրած յարիս ճարել եմ

Հոպ ոպ մարալ օյ, մարալ օյ, մարալ օյ

3. Սարի գլխին ձյուն եկավ

Հոպ ոպ մարալ օյ, մարալ օյ, մարալ օյ

Անուշ յարս տուն եկավ

Հոպ ոպ մարալ օյ, մարալ օյ, մարալ օյ

Էս առուն ջուր է գալի

Էս առուն ջուր է գալի,

Մի տեսեք, ո՞ւր է գալի.

Գալիս է, գալիս է, սեր անե:

Քենին մահանա արել,

Իր յարին հյուր է գալի.

Գալիս է, գալիս է, սեր անե: 

Վարդ եմ քաղել մաղերով,

Վեր եմ դրել շաղերով.

Գալիս է, գալիս է, սեր անե:

Շողեր ջան

Ամպել ա, ձուն չի՛ գալի,

Շողե՜ր ջան,

Սարիցը տուն չի՛ գալի,

Շողե՜ր ջան,

Դու շորորա՛, դուն օրորա՛

Շողե՜ր ջան,

Ամպի տակին ձուն կերևա,

Շողե՜ր ջան: 

2.Սիրտս կըրակով լըցված,

Շողե՜ր ջան,

Աչքիս քուն չի գալի,

Շողե՜ր ջան,

Դու շորորա՛, դուն օրորա՛

Շողե՜ր ջան,

Ամպի տակին ձուն կերևա,

Շողե՜ր ջան: 

Երևան բաղ եմ արել

Երևան բաղ եմ արել,

Ա՛յ արև, արև աղբերըս,

Հոգիս մատաղ եմ արել,

Ջա՜ն, բարև՛, բարև՛, աղբերըս:

Կրկ.Տո՛ւն արի, տո՛ւն արի, տո՛ւն, աղբեր,

Արի՛, իմ խորոտ աղբեր:

Տո՛ւն արի, տո՛ւն արի, տո՛ւն, աղբեր,

Արի՛, իմ խորոտ աղբեր:

2.Էլի բարեկամի մոտ,

Ա՛յ արև, արև աղբերըս,

Լացըս ծիծաղ եմ արել,

Ջա՜ն, բարև՛, բարև՛, աղբերըս:

Կրկ.Տո՛ւն արի, տո՛ւն արի, տո՛ւն, աղբեր,

Արի՛, իմ խորոտ աղբեր:

Տո՛ւն արի, տո՛ւն արի, տո՛ւն, աղբեր,

Արի՛, իմ խորոտ աղբեր:

Երի, երի, ջան

Էս գիշեր լուսը տեսա,       
Երի՛, երի՛, երի՛ ջան,
Իմ յարը դուսը տեսա,       
Երի՛, մարալո՛, ջեյրա՛ն,
Ելել էր, ուխտ էր գալի,       
Երի՛, երի՛, երի՛ ջան,
Հրացանն ուսը տեսա,       
Երի՛, մարալո՛, ջեյրա՛ն: 
Էն սարեն մարդ ա գալի,       
Երի՛, երի՛, երի՛ ջան,
Սարը կրակ ա տալի,       
Երի՛, մարալո՛, ջեյրա՛ն։

Անձրևն եկավ շաղալեն

Անձրևն եկավ շաղալեն,
Ուռու տերև դողալեն.
Վա՜յ, լե՛, լե՛, լե՛, լե՛,
Լե՛, լե՛, լե՛, լե՛, լե՛, լե՛, լե՛, լե՛,
Հրես եկավ իմ ախպեր,
Ալ ձին տակին խաղալեն:
Վա՜յ, լօ՛, լօ՛, լօ՛, լօ՛,
Լօ՛, լօ՛, լօ՛, լօ՛, լօ՛, լօ՛, լօ՛, ջա՜ն...
 
Խալիչեքը փռել եմ,
Նախշուն բարձեր շարել եմ,
Վա՜յ, լօ՛, լօ՛, լօ՛, լօ՛,
Լօ՛, լօ՛, լօ՛, լօ՛, լօ՛, լօ՛, լօ՛, ջա՜ն...

Երկինքն ամպել է

Երկինքըն ամպել է,
Ի՜նչ անուշ թոն է.
Գամ դըռնեն անցնեմ՝
Հոգյակըս հոն է:
Երկինքըն ամպել է,
Գետինը թաց է.
Յարըս քնել է,
Երեսը բաց է:
Երկինքըն ամպել է,
Ի՜նչ անուշ երակ.
Սըրտիս մեջ լըցավ,
Մի բուռ կըրակ:
Երկինքըն ամպել է,
Գետին շաղերով.
Ես քեզ սիրել եմ,
Անուշ խաղերով:
Երկինքըն ամպել է,
Գետինը մութ է.
Ես քեզ ուզել եմ,
Թող ասեն՝ սուտ է:

Գարնան գութան

Գարնան գութան հանեցի,

        Յա՛ր, նա՜յ, նա՜յ, նա՜յ, նա՜յ, նա՜յ,

Արտը բամբակ ցանեցի,

        Սոնա՛ յար, նա՜յ, նա՜յ, նա՜յ,

Ամառ եկավ, քաղն ելավ,

        Յա՛ր, նա՜յ, նա՜յ, նա՜յ, նա՜յ, նա՜յ,

Քաղհանավոր ճարեցի,

        Սոնա՛ յար, նա՜յ, նա՜յ, նա՜յ,

Քաղհան կանեմ հո՝ բարով,

Տոլմա կեփեմ բիբարով,

Աշնան անի լավ օրեր,

Բամբակ քաղեմ նուբարով: